Göz göre-göre Şiiri - Sevinc Arzulu

Bir daha sezməzsən gulüm,məni də,
Dağlara tül olan duman, çəni də.
Günlərin birində nədən səni də,
Əlimdən aldılar göz görə-görə.

Fələyin işini tərsinə burdum,
Tək sənin qəlbində yurd-yuva qurdum.
Mən necə dayandım,mən necə durdum,
O lal baxışlarda söz görə-görə.

Ay Sevinc,gəl dayan qaya tək mətin,
Bilirsən, ayrılıq çətindən çətin.
Bu sənin taleyin,sənin qismətin,
Həsrətin zülmünə döz görə-görə.