Girdâb-ı Muhabbet Ki Cihân Reh-güzeridür

Girdâb-ı muhabbet ki cihân reh-güzeridür
Âvâre habâb anda fenâ ehli serîdür

Agyâra çeküp döke yüzi suyunı tîgün
Taşdan çıkarupdur ol anun alnı derîdür

Kesbî degül idügi benüm seyl-i sirişküm
Kimine bedîhi kimisine nazarîdür

Göz boncugına saymaz o dil-dâr dirîgâ
Çeşmüm gam-ı la’li ile dirler ki dürîdür

Tîgında anun katre-i hûn-ı dil-i ‘Âşık
Düşmiş durur âb üstine gül-berg-i tarîdür