Geldükçe Sûz-i ‘Aşk O Meh-pâreden Bana

Geldükçe sûz-i ‘aşk o meh-pâreden bana
Âteş virür fetîle-i nezzâreden bana

Nâ-dânı hâb-i gaflete kor gerdiş-i felek
Ma’lûmdur bu cünbiş-i gehvâreden bana

Tîg-i nigâhı mevce-i âb-i hayât imiş
Şâfî cevâb geldi leb-i yaradan bana

Dil teh-nişîn-i halka-i gird-âb-i zülf-i yâr
Baht-i siyâh hande ider karadan bana

Bu nazm-i âteşîni kalem itdi intihâb
Sâmî cerîde-i dil-i sad-pâreden bana