Gazel III Şiiri - Necati Bey

Eser itmez nidelim âh-ı seher-gâh sana
Meğer insaf vere dostum Allâh sana

Hoş olur sohbet-i mey gecede meh-tâb olıcak
Nûr saç meclise gel kim demişiz mâh sana

Nidelim devr sunarsa sana şerbet bana zehr
Bu cihân böyle olur gâh bana gâh sana

Levh-i çehremde okumağa hikâyât-ı gamı
Geceler subha değin şem tutar ah sana

Encümeni reh-ber edinmezse eğer
Şeb-i gamda eremez ‘âşık-ı güm-râh sana

Gece gelmeyeceğin sohbete ey dil biliriz
Hele var gör ki ne yüzden doğar ol mâh sana

Husrevâ kullarının eyle revâ hâcetini
Ki ebed oldu müyesser kamu dil-hâh sana

Ey Necâtî taş iken lâ’l ede hûrşid bigi
Bir nazar eyler ise himmet ile şâh sana