Evîn Nîn Be Dil Bêzare

Derdê min her dem girane
Tê de agir û arane
Dilo reben ez bengînîm
Ez dihelim bi salane

Her der min re ba, borane
Disa li min mij, morane
Min fîgane, min feryade
Eşqa rezîl pir torane

Wek bilbilan min fîxane
Mîna çemê nav şaxane
Li çolîstana digerim
Xeyalê min bo baxane

Evîn nîn be dil bêzare
Bê evînî dil mezare
Rojan mehan û salane
Dil dinale zarezare

Dilê hezker evîndare
Dil dimire yar xedare
Evîn nîn be dil beybane
Evîn aram û hedare

Mehmet Çobanoglu
13.06.2020
Stanbol