Dıman Rıji Megêro Şiiri - Ercan Cengiz

Rızo qı wazeno bıwazo
Lıngê xo xodıma nene.
Rız xore ostır geno
Ostır cıtı dı rınd sono,
Rız araqê şaidı meno
Sırsı dıma kas beno.

Muxtar xêberı rusnano Rıji're
Rız bero rao xo bıdo,
Dıman Rıji megêro
Rız qara xora beno.
Rız be ara, tarira
Qınci qani peştira
Qunno raa muxtarira.

Rızo qı qunno tengı
Qes dormıdı nemeno
Domani qı qarnene
Ostıre Rıji tilbeno.

Dıman Rıji megero
Wandena Rıji çinna
İmze cıko nezano
Becıqı qenê buaxra
Nane xêtı serrıra
Rızo ra xo erzeno orte
Nezano qami gırote,
Rız Rızo'dı höylo
Muxtar ira sa beno.

K-08

Rü Şa

Tore sa waci, rüye to şao
Serrona qı emêg to dê
Zonnı qı emego tıp u talo,
Karı ra düray
Ârı qi nê zanay,
Dıjdıni kenay
Son do wenay
Perso danay
Hetê dı perşi, hetê dı sondi
Ortı dı monay
Se qenê bıqerê
Dılope araq neno carê to.

Sanıqa qı rüye tora
Tariyina to nê bena
Qam sa wano waco
Xellê todı niyo
Name to qı wecino
Qedıre to qi bırino.

To xelê mıdı niya
Waxte to qi niyo
Sanıqa qı rüye tora
Bara dı zerre mına
Mıre xebera berca,
To qi bı zanı qı
Sanıqa rüye to
Xelê mı dera
Tore sa waci
Be ar u rü şa.

K-26

Kamo

Sılli hona bıriya
Raira veciyi
Reçone merıko
Camura lıngona
Qute cırpoz

Ni sene mordemi
Cım tari yê cıke
Qunne hegai beqêşi
Deesqını

Beqes berbeno
Berbisa aqı bo
Xebera talı newano
Toxım dêna gıroto
Gaore dendaro
Wairere dendaro
Meberbo sebıkêro.

Zanaina çırpoz desqınê
Eyro cırpoz desqınê
Sodır hega wêsnenê
E kami benê bıbe i reçi
Bızane emegro xor seyrqenê
Bızane dısmenê genimi
Bızane dısmenê beqêşi.

K-14

Düri Meso Tıxeqêmı

Tey tey tey
Tey qı tey homedi...
Bare düri meso,
Herdê xodı fındı bıra
So taliyi qu, xo waderı
Düri meso tıxeqêmı
Düri meso...
Höyri gurrene
Torgı warena
Corra laser eno
Raa to bırina bıra
Cıme to ne wenê
Tey tey tey...

Koo serdı pus esto
Cım cımi neweno
Tariyo bıra tariyo
Cım cımi neweno
Sonay qoti tıxeqêmı
Raa to ne remena
Tey tey tey...

Wa hao wera to eno
Dano sene tore bıra
Mecala to bırneno...
Wa to dımıra niyo bıra
Düri meso tıxeqêmı
Rao dı monay
Welg to parcı qenno
Cı wele de xoroqeri...
Tey tey tey...
Tey qı tey bıra...

K-11