Dilê Min de Xem Dikele

Dikim qêrîn dikim gazî
Felek tu min çi dixwazi
Min qêrîne min fîxane
Yara min bê ba min xwezî

Dilê min de xem dikele
Çima qeşa, berf nahale
Bihar min re bû zivistan
Hişê min de gul û pele

Li rojane min talane
Min bahoz e, min bara ne
Vê zîndana malxirab de
Canê min jî ber kêrane

Daê ev çi karûbare?
Felek min re gurê hare
Min avêtîn li zîndanê
Çavê min de hêsir dibare

Agahî kî min re bînin
Bêjin “azadî yê tinîn”
Yara min jî bendê mine
Dilê yarê ne êşînîn

Mehmet Çobanoglu
21.02.2018
Sîlîvrî