Dil Oldı Güm-sürâg-i Deştgâh-i ‘Aşk Ü Ha ...

Dil oldı güm-sürâg-i deştgâh-i ‘aşk ü hayrânî
Ki gerd-i hâtır-i ‘uşşâkdur rîg-i beyâbânî

Gönül bâr-efgen-i gafletdür ol vâdîde kim anda
İder bîdâr savt-i pây-i mûrân çeşm-i düzdânı

Derâ-yi kârvânı savt-i Mansûr-i ene’l-Hak-gû
Metâ’-i nâ-revâcı küfr-i mahmil-zîb-i San’ânî

İder her zahm-i pâyı âteşîn-gird-âb-i bahr-i ‘aşk
O tîh-i bî-kerânun rîze-seng-i şu’le-efşânı

Hızır pergârveş ser-geşte-gerd-i sath-i pehnâsı
Felek çün nokta-i nâ-çîz hasr-i devr-i meydânı

İder çün katre-i emvâc-i sîm-âb âb ile bâda
Ser-â-pâ ra’şe-hîz-i bî-karârî reh-neverdânı

Sipihr-i nüh-kıbâbı şu’le-cûş-i ıztırâb eyler
Misâl-i hâr ü has âteş-revânun bâd-i dâmânı

Kebâbâsâ döner ser-geşteler sîh-i mahabbetde
İdüp pâdan güzer serden çıkar hâr-i mugaylânî

Şebi hem-reng-i âh-i teşnegân-i el-’ataş-gûyân
Sabâhı tûde-i hâkister-i güm-kerde-râhânî

O deşt-i cân-güdâza pâ-nihâde olmak istersen
Seri çün şu’le-i şem’ eyle pâyı berk-i cevlânî

Fetîl-i şu’le-tâb-i râhı pây-i istikâmetle
Gönül kat’ itdi çün mikrâze-i şem’-i şebistânî

İrişdi bir sevâd-i a’zam-i nâ-dîde-etvâra
Ki seng-i sürmeden tertîb olunmış tarh-i bünyânı

Misâl-i sohbet-i işrâkıyânî güft-gûlar hep
Hamûş-i ser-be-ceyb-i hayret-i dîdâr sükkânı

Harîdâr olmada sûdâgerânı nakd-i cân der-kef
Metâ’-i derdi bâzâr itmede kâlâ-fürûşânı

Resîde oldı nâ-geh çeşmi bir gülzâr-i ra’nâya
K'ider nev-bâve-çîn-i bâg-i hayret seyr Rıdvânı

Güli dâg-i derûn ü sünbüli dûd-i dil-i ‘âşık
Dıraht âlûde-i hûn-i ciger çün şâh-i mercânî

Nesîm-i cân-fezâsı feyz-i enfâs-i Mesîhâyî
Reg-i bûy-i güli mevc-i nigâh-i mâh-i Ken’ânî

Siyeh hâki sevâd-i çeşm-i meh-tâb-i tecellâyî
Cebîn-i cûybârı çîn-fürûş-i âb-i hayvânî

O bâg-i feyz-bahşun bâgbânı cevher-i evvel
Bihîn-fihrist-i Kur’ân-i mübîn evrâk-i agsânı

Olup ser-germ-i sahbâ-yi hakîkat pây-i pîşinde
Dil-i hayret-zede gül-geşt iderken ol gülistânı

Nümâyân oldı bir kâh-i mu’allâ dîde-i câna
Garîk-i nûr-i vahdet yek-sere meclis-nişînânı

Güşâde revzeni la’l-i tebessüm-rîz-i havrâveş
Der-i meftûhı gûyâ ‘âşıkun çâk-i girîbânı

‘Urûc itmekde saf saf ‘işve-i hûbân gibi ervâh
Hemânâ pâyehâ-yi nerdbânı çîn-i pîşânî

Kalem nây-i hasîri levh-i mahfûz-i ezel sakfı
Per-i Cibrîl dîbâ-perde-i dihlîz-i eyvânı

Gürûh-i enbiyâ vü evliyâ saf-beste-i hidmet
Tavâf itmekde ser-der-pîş-i haclet kudsiyân anı

Te’âla’llâh zihî kasr-i feleksâ kim derûnında
Habîb-i kibriyâ ârâyiş-i evreng-i nûrânî

Şeh-i kişver-güşâ-yi Ahmed-i mürsel
Ki nakş-i hâtem-i hatmiyyetidür nass-i Kur’ânî

O sultân-i serîr-ârâ-yi mülk-i vMš u- »U-
Ki tîr-i hükmidür âmâc-zîb-i ‘arş-i rahmânî

Terabbu’-sâz-i evreng-i risâlet mazhar-i levlâk
Şeh-i refref-süvâr ü yekke-tâz-i kurb-i yezdânî

O sâhib-fatk ü ratk-i mu’dilât-i kişver-i eflâk
Ki medd-i satr-i bismi'llâhdur tugra-yi fermânı

Rumûz-âmûz-i ıkra’ hâce-i hejdeh-hezâr ‘âlem
Ki mir’ât-i dil-i Cibrîldür levh-i debistânı

Vücûdı gevher-i nâ-yâb-i genc-i eM½ XM½ oldı
Cemâl-i pâkidür mir’ât-i hüsn-i sun’-i yezdânî

Hayât-i câvidânî buldı ‘Îsâ feyz-i lutfından
Derinde hazret-i Mûsâ ‘asâ-der-dest derbânı

Sübût-i da’vî-i peygam-berîye iki şâhiddür
Dü şakk itdi ser-engüşt-i latîfi mâh-i rahşânı

Vücûd-i pâki oldı harf-i illâ ile müstesnâ
Benânıyla dü nîm itdükde kurs-i mâh-i tâbânı

Şikâf-i meh degül vasf-i ruhında iki mısra’dur
Ki bâm-i çerhe itdi ‘akl-i küll âvîhte anı

Şafak sanma dökildi hûnı tarf-i dâmen-i çerhe
Gazâl-i meh yolında nîm-bismil oldı kurbânı

Görüp nâ-gâh hüsn-i âftâb-efrûzını gerdûn
O şeb çâk eyledi sevdâ-yi ‘aşkıyla girîbânı

Sevâd-i ‘anber-i mevc-i ‘ademdür sâye-i pâki
Anunçün olmadı hâl-i ruhı mihr-i dırahşânî

Nuhustîn câ-nişîn-yâb-i ziyâfetgâh-i kurbiyyet
Ki Cibrîl-i emîndür çün meges ser-geşte-i hânı

Hem-âgûş-i şeker-hâb olsa ger çeşm-i Hudâ-bîni
Olur gîsû-yi ‘anber-nükhet-i Yûsuf meges-rânı

Olur zâhir havâs-i bâtını çün pençe-i hurşîd
Güzâr itse gönülden fikr-i nûr-i vech-i tâbânı

Zamîrinden ideydi mâh-i nev deryûze-i envâr
Beyâz-i gerden-i hurşîd olurdı leyl-i zulmânî

Olursa hâksârân müsta’idd-i feyz-i eltâfı
İder her şeb-nem-i üftâde cezb-i mihr-i nûrânî

İdüp meşk-i gedâyî levh-i ferş-i âstânında
Debîr-i âsmân itmekde sebt-i hatt-i pîşânî

Bu ma’nâyı ider intâc şekl-i evvel-i mi’râc
Bedîhîdür cemî’-i enbiyâdan fazl ü rüchânı

N'ola ser-pûş olursa çerh-i atlas cümle eflâke
Şeref virdi ana tamga-yi na’l-i sümm-i yek-rânı

Hazîz-i âstân-i rif’at-i gerdûn-cenâbında
Olur İdrîs-i ‘âlî-rütbe şâgird-i sebak-hânı

Hayâl itseydi kuhl-i hâk-i pâyın a’mî-i fıtrî
Olurdı mû-şikâf-i nokta-i mevhûme müjgânı

Kalem kim dîde-dûz-i ma’nî-i rengîn-i na’tıdur
Harîr-i bûy-i güldür câme-pûş-i cism-i ‘uryânı

Şerî’at kâh-i gerdûn-tâkdur sultân-i kevneyne
Cenâb-i çâr-yâr-i muhteremdür çâr erkânı

Mü’essesdür binâ-yi şer’ ü dîni öyle müstahkem
Ki te’sîr idemez hasmun hurûş-i seyl-i ‘udvânı

O kim râh-i hilâf-i hükmine vaz’-i kadem eyler
İder âmâde zîr-i pâda sad-şemşîr-i bürrânı

Hudâ itdi bihişti ol dür-i yektâ ile itmâm
Suver-bînân kıyâs itdi şikeste oldı dendânı

Hîç âzâd olmamak mümkin midür ol kimse dûzahdan
K'ola bir böyle mahbûb-i Hudânun bende-fermânı

Sözi bahr-i muhît-i ‘ilm-i Hakdan müntahab gevher
Derûnı kenz-i lâ-yefnâ-yi sırr-i vahy-i sübhânî

Sa’âdet-hânesi âl-i ‘abâya matla’ü'l-envâr
Der ü dîvârı pür-nakş-i tecelliyyât-i Rabbânî

Olan her rîze-seng-i pây-mâli reh-güzârında
Olur kerrûbiyânun dürr-i târek-zîb-i pîçânı

Şefî’-i her güneh-kârâ resûl-i pâk-kirdârâ
Gürûh-i enbiyâ vü evliyânun şâh-i zî-şânı

Sen ol dîhîm-i ‘izzet-ber-ser-i taht-i risâletsin
Ki pîşünde Hudâ hidmet-güzâr itdi sürûşânı

Şeb-i isrâda remz-i U윫˫ sš u- »U-’dur
İden inbâ vücûdun oldugı vahdetle hakkânî

Ne şeb ebrû-yi bârîk-i hilâle vesme-i zîbâ
Ne şeb kuhl-i cilâ-bahş-i ‘uyûn-i necm-i nûrânî

‘Azîmet eyledükde âsmâna pîşgâhunda
O şebdür micmer-i sîmîn-i mâhun ‘anber-efşânı

Hilâl ibrîk-i sîmîn taşt-i zer mihr âb-i ruhsârun
O şeb çerh eyledi pâyuna rîzân ebr-i nîsânî

Te’âla’llâh zihî şâm-i sa’âdet-nâm-i ‘âlî-kadr
Ki virdi ‘arş-i rahmâna ‘urûcun ana ‘unvânı

Ne leyle'l-leyl-i pür-enverdür ol kim sûy-i Aksâdan
İdüp çerhe Burâk-i berk-i nâzük-pây cünbânî

Fürûg-i gerdiş-i çeşm ü şerâr-i na’l-i sümminden
Zemînün zıll-i mahrûtîsi oldı kalb-i nûrânî

Burâk oldı nesîm [ü] rûh-i pâkün bûy-i verd-i huld
İrişdün lâ-mekâna tarfetü'l-’ayn içre cismânî

Gelüp refref nişîmengâh-i cism-i pâkün oldukda
Bu ikbâl ile güm-nâm eyledün taht-i Süleymânı

Vücûd-i nâzenînün çekdi âgûşa mahabbetle
Geçürdi sidreden tayy eyledi sahrâ-yi imkânı

Sadâ-yi X-d×0ô âsmân-sûzıyla Cebrâ’il
Çeküp bir âh-i hasret yandı şem’-i bâl-i sûzânı

İrişdün mâ-verâ-yi müntehâ-yi sidre vü ‘arşa
K'o bezme hazretünden gayrı yokdur mahrem-i sânî

Zihî bezm-i hüviyyet-reng-i vahdet-cûş-i ma’şûkî
Ne ism ü resm peydâ anda ne hestî-i imkânî

Zamân ma’dûm ü ta’yîn-i mekân mümkin degül aslâ
Mukaddes şeş cihetden ol tecellîgâh-i nûrânî

Bu bezm-i kurb-i cem’ü'l-cem’e kim vahdet didi Mevlâ
Yine sensin seni seyr iden ey ‘âlemlerün cânı

Bilâ-savt ü hurûf ü lafz ü ma’nâ eyledün sohbet
Bu sırrun kâleb-i elfâza nâ-güncîde bünyânı

Hemân ber-muktezâ-yi ‘aşk idi bu güft-gûy-i nâz
Bu hâletdür olan endîşe-sûz-i ‘akl-i insânî

Ne insân ‘akl ü nüh eflâk ü emlâk ü vesâtetden
Hudâ selb eyledi bu ma’nî-i pinhâna iz’ânı

Beyânında zebân ebkem kalem ta’bîre nâ-mahrem
Hamûş-i nâ-şinâsı fem dü leb mahtûm-i hayrânı

Senün zât-i şerîfün medh-i şâ’irden mu’allâdur
Hemân a’lâsı izhâr eylemekdür ‘acz ü noksânı

Ne kâdir na’tunı inşâda kilk-i bende-i nâ-çîz
Ki Hak vasf-i cemîlün ide ey ‘âlemlerün cânı

Hep ahkâm ü kasas va’d ü va’îd ü nâsih ü mensûh
Hakîkatde senün vasfundur âyât içre pinhânî

Nice medhünde şâ’ir hâme-cünbân-i suhan olsun
Ruh-i tab’ı k'ola sîlî-hor-i sad-dest-i nâ-dânî

Tehî-dest olsa ger dergâhuna ruh-sûde bir sâ’il
İderdün rıfk ü tatyîb ile sultân-i cihân anı

İde yâhud gedâlardan biri bir berg-i sebz ihdâ
İderdün nakd-i rahm ü şefkat ile ana ihsânı

Siyeh-kâr ü tehî-dest-i ‘amel dergâhınun şimdi
Ben oldum bir gedâ-yi ahkar-i âşüfte-sâmânı

Hevâ-yi nefse çüst ü tâ’at-i Bârî-Hudâda süst
‘Amel hep nâ-dürüst itdüm hatâ vü cürm-i ‘isyânı

Devâtum kâse-i deryûzedür elde ‘asâ hâmem
Fakîr-i nâ-tüvânem hasb-i hâlümdür perîşânî

Kemâl-i ihtiyâc-i fakr ile dergâhuna geldüm
Ayaklandur meded nakd-i şefâ’atla bu nâlânı

Tahammül itmez oldum bâr-i evzâ’ına nâ-dânun
Dil-i nâ-dîde-kâma gâlib itme hükm-i nâ-dânı

Cihânda devlet-i yek-rûze ile itmede nahvet
Temâşâdur hele erbâb-i câhun hod-nümâyânı

Ne ‘ilm ü ma’rifet ne ehl-i tab’a rûy-i dil izhâr
Hemîşe ehl-i hâcâta şi’ârı çîn-i pîşânî

Nenün tahtındadur haml-i sakîl-i vaz’ını çekmek
Ki tefrîk itmeye hammâl ile eshâb-i ‘irfânı

Dili bu nâ-şinâsân-i zamâna eyleme maglûb
Eyâ ehl-i niyâzun melce’-i bâb-i felek-şânı

Mu’allâ dergehündür dil-penâhum yâ resûla'llâh
Elüm al düşmişem şâd eyle lutfunla bu giryânı

Garîk-i bahr-i mevc-â-mevc-i pür-gird-âb-i ‘isyânam
Dili müstagrak-i şerm eyledi âlûde-dâmânî

Bu ‘abd-i bî-kes ü nâ-çâra lutf eyle mürüvvet kıl
Hep ef’âl-i kabîhi cümle ma’lûmun kerem kânı

Ne hâcet itmege mâ-fi'z-zamîri hâk-i pâya ‘arz
Degüldür pîş-i nezzârende bir şey sana pinhânî

Suhan pâyân-resîde oldı gayrı çekme gam ey dil
Sıle nakd-i şefâ’atdur budur âyîn-i sultânî

Tevakkuf itme îsâr-i salât-i bî-hisâb eyle
Ki tahlîs idesin dest-i günehden tâ girîbânı

Revân-i pâkine Sâmî nice yüz bin selâm olsun
Dahı âline k'anlardur resûlün hem-nişînânı