Dakıl Pay Uranika............O

Dakıl Pay Uranika

Dakıl pay uranika,
Sostomas en mastika
Daruliyas andalep
Fiyede ce peftika.

Epinase dokoriz,
Darsimata hoholiz
Afina ce porpati,
Dospidise nakoliz.

Nerhusune, uçerses,
Permeno sor domopan.
Çakono da bodras,
Kahese sonkolopan.

Eğabose ipesme,
Nainum dilaliyas,
Aneğabas nayelas,
Valeme sinkardiyas.

Emena andalepis
Damatas mikamonis.
Epero dinaledfis,
Dinkardiyas ğomonis.

Petaso sifoleyam,
Anikso dakanatas
Madem demo inese,
Mispaliyis damatas.

Fiyesemon pendikos,
Eğo kata uçime,
Ehasa davradiyas,
Ne peftoka ne çime.

Eporis mi çimase?
Emena andulepis
Demo anuçinese,
Kala hrona melepis.

Mustafa Hoşoğlu
30.09.2013