Âh-i dil izhâr-i dâg ü çeşm-i pür-hûn istemez
‘Aşkı ol nahvet-perestüm perde-bîrûn istemez
Türş-rû gösterme cânâ zerdî-i rûyum görüp
‘İllet-i sevdâ-yi ‘âşık âb-i lîmûn istemez
Pençe-i mihri perîşân eyler evrâk-i güli
Kimsede şîrâze-i sâmânı gerdûn istemez
Cânı teslîm eyleme fikr-i zer-i medfûn ile
..
Sirişk olmazsa levh-i dilde dâg-i âteşîn olmaz
Mukaddem safha nemnâk olmasa nakş-i nigîn olmaz
Zahım-nâ-horde-dil la’l-i lebünden bûse-çîn olmaz
Ten-i mûm olmadın sûrâh sûrâh engübîn olmaz
Halâvet der-’akabdur telhî-i düşnâm-i la’lünde
Merâret mâni’-i ta’m-i lezîz-i dâr-i çîn olmaz
Tevâzu’ itse de sûret-perestân olma dil-beste
..
Ol tıfl-i nev-resîde ki dâg urdı cânına
Kundak bırakdı şahs-i dilün hânmânına
Halhâl olur ayagına san duhter-i rezün
Sâkî alınca câmı hilâl-i benânına
Kâmil-’ayâr mı diyü ol rûy-i zerdini
Noksân idüp sürer mihek-i imtihânına
Ol mâh-pâre destine hınnâ-fürûz olup
..
Olsun füzûn ko sînede ‘aşkunla dâgumuz
Hurşîddür fetîle-fürûz-i çerâgumuz
Sâgar-gedâ-yi dergeh-i mey-hâneyüz velî
Fark-i sipihre cür’a-feşândur ayagumuz
Bir gayrı nagme gör bu bed âhengüne felek
Eyyâm-i kûdekîde alışdı kulagumuz
Dâg olsa köhne dâg-i nev aç cism-i zâruma
..
Temâşâ-yi ruhından kâm-yâbem geşt-i bâg itmem
Şemîm-i verdini ser-şîşe-pîrâ-yi dimâg itmem
‘Aceb pervâneyem bu encümengâh-i tahayyülde
Hemîşe sûzişüm isnâd-i evzâ’-i çerâg itmem
Ser-â-ser müttehiddür cem’-i bezm-i gülşen-i ‘âlem
Sadâ-yi bülbüli tefrîk-i âgâz-i kelâg itmem
Tehî-hemyân olursam da eger nakd-i meserretden
..
