Başdan yaratdı meni Şiiri - Sevinc Arzulu

Danışma sən ölümdən,
Ən sonuncu bölümdən.
Doğuldum öz külümdən,
Başdan yaratdı məni.

Mən dünyanın dinci tək,
Fərəhi, sevinci tək.
Parıldayan inci tək,
Qaşdan yaratdı məni.

Göydən dərd-ələm yağır,
Köməyə məni çağır.
Qaya kimi sərt, ağır,
Daşdan yaratdı məni.

Yer göyə təslim oldu,
Payız son fəslim oldu.
Oksigen sim-sim oldu,
Haşdan yaratdı məni.

Kədər təbəssüm eytdi,
Qüssə tənasüb etdi.
O qədər təəssüf etdim,
“KAŞ”dan yaratdı məni.