Bana bir ‘ ilm keşf oldı senün hüsnün kitâbında
Ki yüz bin ‘ akl ‘ âcizdür anun bir fasl-ı bâbında
Eger nâr-ı hevân içre revân cânı kılam teslîm
Ruhun mihriyile güller biter sinüm türâbında
Bana dünyâ vü ‘ ukbâda yiterdi ‘ izzet ü hürmet
Eger itiyile yârun olaydum yâr bâbında
N’ ola gizlense gün yüzün müselsel zülfün altında
Ki rûşendür nihân olur kamer gice nikâbında
‘ Aceb mi vasluna irmek hayâlin itdise ‘ Adnî
Ki slutânlığa irişür gedâ yalancı hâbında
Kayıt Tarihi : 11.7.2014 16:47:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!