Bahâr oldı yine bülbül çemende güft-gû eyler
Benüm dîvâne gönlüm deşt ü sahrâ ârzû eyler
Elüm alup yabana atma billâhi benüm sâkî
Şu vaktin kim felek destünde hâkümden sebû eyler
Meh öykinmiş sana çarh anun içün âfitâb ile
Yüzine urmaga eksüklügini rû-be-rû eyler
Nişân bulmaz hırâm-ı kâmetünden serv ü ‘ar’arda
Sirişküm sû-be-sû her bâgı gerçi cüst u cû eyler
N’ola boynına salınursa tîgün ‘Âşıkun her dem
Anı hûn-ı cigerle dem-be-dem ol surh-rû eyler
Kayıt Tarihi : 27.5.2016 18:05:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!