Asim Şiiri - Sevinc Arzulu

Çalğın ilə ürəkləri,
Bir andaca fəth etdin.
Arzuları, diləkləri
Tarındaca mədh etdin.

Böyü, tarın atası ol,
Sən də baban Qurban tək.
Asim, asların ası ol,
Qocalma heç, zaman tək.

Sənin ilə fəxr eyləsin,
Ata-anan, qohum dost.
Məclislərdə söylənilsin,
Şəninə ən gözəl tost.

Mizrab tutan barmaqların,
Çalmaqdan yorulmasın.
Ağacının yarpaqları,
Küləklə sovrulmasın.

Yəqin günlərin bir günü,
Xalq artisti olarsan.
Dəyişməz ki səsin, ünün
Olduğun tək qalarsan.
28.04.2018