Anber saçuñ girihlerine el uralı bâd
Müşgi Hıtâ-y-ıla dahı itmedi kimse yâd
Bülbül güli yañaguña beñzetdi subh-dem
Gül bunca hâr içinde açılıban oldı şâd
Lalüñ ümîœi olmasa zahmına gamzeñüñ
Kalmaya-y-ıdı dahı kimesnede bûd u zâd
Cânlar alur gözüñ saçun îmâna kasd ider
Ne zâlim ola ki anda bu resme ola nihâd
Ne ukdedür kemendi saçuñuñ aceb ki anuñ
Bendine tolaşan bulımaz tâ ebed güşâd
Her kim kemer kuşamadı zülfüñ hevâsına
Ömrini vây vâ-y-ıla ney bigi itdi bâd
Vasfında gözüñüñ nice sihr itdi Ahmedî
Bir işvesine biñden anuñ virimedi dâd
Kayıt Tarihi : 20.9.2016 15:00:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!