Zülf-i Siyehi Gerden-i Billûra Sarılmış

Zülf-i siyehi gerden-i billûra sarılmış
Bir perdedür ol âyine-i nûra sarılmış

Mir’ât-i bünâgûşı kenâr-i hat-i nevde
San subh-i hafâdur şeb-i deycûra sarılmış

Gam merhemi kim rîze-i elmâs ile meshûk
Feryâd ki zahm-i dil-i mahrûra sarılmış

Hâl-i siyehi ‘ârız-i hurşîd-ziyâda
Pervâne gibi şem’a-i kâfûra sarılmış

Sâmî o meh itdükde nigâh-i gazab-âlûd
Kassâb-i ecel kabza-i sâtûra sarılmış