Zevk-i hüsn-i yâr

Zevk-i hüsn-i yâr ile olmakdadır kâşâne mest
Bezmde sekran olup devran eder pervâne mest.

Âlem-i ervâhda her kim ki olmuş mest-i yâr
Şems-i Tebrizî gibi gelmektedir devrâna mest.

Her seher âşkların efgânı âlemgîr olur
Bülbül ağlar gül güler hem âşk-ı ferzâne mest.

Kimisi gafletle sekran kimisi “mest-i Elest”
Devr eder hep halk-ı âlem aşkıyla mestâne mest.

Şevket efkâr-ı cihanı mahv edip kesbet safâ
Neşve-i aşk-ı hakîkatle olur peymâne mest.