Yoxundu mene Şiiri - Sevinc Arzulu

Bir az şərabındı,bir az meyindi,
“Niyə gec gəlmisən?”-deyə deyindim.
Başdan ayağadək bəyaz geyindim,
Ölümün ağ əli toxundu mənə.

Əcəlin var imiş mənlə davası,
Ağırmış dünyanın nəmli havası.
Dinlədim lap həzin,qəmli avazı
Qurandan tək surə oxundu mənə.

Sən də mənim kimi qəflətən ölmə,
Dünyanı qaraya,ya ağa bölmə.
Qəbrimin üstünə gəlmirsən,gəlmə
Məgər dörd qərənfil yoxundu mənə?!