Yaranır mehebbet Şiiri - Sevinc Arzulu

Nə çıxar həsrətlə barışığından,
Gecənin hicrana yaraşığından.
Kiçik sevgilərin qarışığından
Yaranır izləri olan məhəbbət.

Hamı xəbərdardır sənin huyundan,
Bir damcı su şıxmaz, həsrət, quyundan.
Vəslin gözlərinin duzlu suyunda,
Daranır gözləri dolan məhəbbət.

Uzaq dur xəyalət ifritəsindən,
Yalanın şər ilə xəlitəsindən.
Zəmanə qarının xəritəsində,
Aranır düzləri solan məhəbbət.