Yanma, Türkiyem Şiiri - Sevinc Arzulu

Min arzu, min istək, dilək verdiyin,
Çətində hər zaman köməkverdiyin.
Sənə qəsd eylədi çörək verdiyin,
Beləcə alışıb yanma, Türkiyəm,

Sən bizə dayaqdın haqq savaşında,
Dronlar oynadı düşmən başında.
Sənin kədərindir gözüm yaşında,
Düşmənli olduğun danma, Türkiyəm.

Gün gündən güclənib şad olsan da sən,
Qərbin ürəyinə yad olsan da sən,
Indi neçə yerdən od alsan da sən,
Onlara dost deyib anma, Türkiyəm.

Tezliklə qurtarar atəşin dava,
Daha kül qoxumaz billur tək hava.
Çıxar aydınlığa masmavi səma,
Özünü tək-tənha sanma, Türkiyəm.