Yamandır Şiiri - Sevinc Arzulu

Baxmaginən kipriyinə-qaşına,
Bişirdiyi zəhər kimi aşına.
Özü boyda daş da düşsün başına,
Ayrılığın intiqamı yamandır.

Eşidirsən, hamı ondan danışır,
Ola bilməz ayrılıqla barışıq,
Ətrafına yığar dostu-tanışı,
Ayrılığın izdihamı yamandır.

Zülmətin içində qaranlıq batar,
Gecəni çox sevər, gündüzlər yatar.
Duran yerdə sənə elə şər atar,
Ayrılığın ittihamı yamandır.