Yadına düşdüm Şiiri - Sevinc Arzulu

Gözümə sığmayan uyğularımla,
Şeirə çevrilən duyğularımla.
Min bir iztirablı qayğılarımla,
Mən dəli sevginin oduna düşdüm.

Pərvanətək bu atəşə hey yandım,
Özümü dünyanın sultanı sandım.
Qəlbimdə sevdimsə, aşkarda dandım,
Bir gizli sevdanın badına düşdüm.

Qalmayıb ürəkdə nə taqət, dözüm,
Dönsən alışacaq qor olan közüm.
De, nədən yaşardı bir anda gözün,
Deyəsən qəflətən yadına düşdüm.