Yâd-i Ruhsârunla Bezm-i Sîne Gülşendür B ...

Yâd-i ruhsârunla bezm-i sîne gülşendür bu şeb
Revgan-i gülden çerâg-i dâg rûşendür bu şeb

Şîve-i müjgân-i yâre dîde-dûz-i hasretem
Câme-hâb-i râhatum leb-rîz-i sûzendür bu şeb

İntizâr-i pây-i teşrîfünle ey nûr-i basar
Dûd-i şem’-i âh kuhl-i çeşm-i revzendür bu şeb

Âstîn-efşân-i şem’ itdi ruhun pervâneyi
Şem’ler raksân olup ber-çîde-dâmendür bu şeb

Hasret-i müjgân-i çeşm-i nîm-mest-i yâr ile
Câme-hâb-i râhatum leb-rîz-i sûzendür bu şeb

Hecr-i rûy-i tâbnâkünle per-i pervâneden
Şem’-i meclis ser-be-ceyb-i zîr-i dâmendür bu şeb

Hâba yer yokdur bu bezm-i hâsda bî-gânedür
Sâmiyâ çeşmüm hayâl-i yâre meskendür bu şeb