Yâ Rab Hemîşe Et Lütfunı Reh-Nümâ Mana

Yâ Rab hemîşe lütfunı it reh-nümâ bana
Gösterme ol tarîki ki yetmez sana bana

Kat’ eyle âşinâluğum andan ki gayrdur
Ancak öz âşinâlarun it âşinâ bana

Bir yirde sabit it kadem-i i’tibârumı
Kim rehber-i şerî’at ola muktedâ bana

Yoh bende bir amel sana şâyeste âh eger
A’mâlüme göre vire adlün cezâ bana

Havf-i hatâda muztaribem var ümîd kim
Lütfun vire bişâret-i afv-i hatâ bana

Ben bilmezem bana gereken sen hâkîmsin
Men’ eyle virme her ne gerekmez bana bana

Oldur bana murâd ki oldur sana murâd
Hâşâ ki senden özge ola müdde’â bana

Habs-i hevâda koyma Fuzûlî-sıfat esîr
Yâ Rab hidâyet eyle tarîk-i fenâ bana