Vura bilermi Şiiri - Sevinc Arzulu

Acı qismətiylə barışan ürək,
Dərdli ürəklərə qarışan ürək,
Intiqam oduna alışan ürək,
Öcünü almasa dura bilərmi.

Dağların başından külək əsməsə.
Düşməsə araya hicran, vəsvəsə.
Durnalar veribdir yenə səs-səsə,
Özünə yeni yurd qura bilərmi.

Durub dayanmısan tənha və yalqız,
Bir azca səbr et gözlə sən yalnız.
Sevməsə görüşə tələsən o qız.
Sarışın telini bura bilərmi.

Sevib –sevilənin çox mərd olduğun,
Hicranın çəkilməz bir dərd olduğun,
Necə də nanəcib, namərd olduğun,
Həsrətin üzünə vura bilərmi.