Ürekmi ola Şiiri - Sevinc Arzulu

Əlvan rəng qat abıma,
Bax həsrətə tabıma.
Bu qədər əzabıma,
Dözən ürəkmi olar?

Nağılın qoğalında,
Ərköyün, cığalında.
Saçımın sığalında
Gəzən küləkmi olar?.

Qara atlı çapardı,
Yeli tufan qopardı.
Gəldi, yığdı, apardı
Bunca kələkmi olar?

Yaman hirslənib,coşdu,
Kəm-kəsiri də boşdu.
Önümdə əsir, xoşdu.
Belə küləkmi olar.

Qırıldı xəyal sapım,
Dağıldı söhbət-gapım.
Yaman döyülür qapı,
Zalım fələkmi olar.