Ulduzlu asiman Şiiri - Sevinc Arzulu

Səninçün baxçadan gözəl gül üzüm,
Sarışın telinə bəyaz gül düzüm.
Mən sənin günəşli qızıl gündüzün,
Sən mənim ulduzlu asimanımsan.

Mənəm ürək dostun, mənəm həmdəmin,
Birlikdə olanda sənin nə qəmin.
Mən sənin yelkənlə üzən ağ gəmin,
Sən mənim Xəzərdə şah limanımsan.

Bəlkə də ayrıldıq günlərin biri,
Istərəm xatirəm qalsın dipdiri.
Mən sənin yeganən, mən sənin pirin.
Sən mənim bir danəm, din-imanımsan.