Gonvaleri gulurt'i uça toma ntxozeri
Muç'oti mskva irdet'i oxorişi noseri
Hem orapez miçkit'u mteli çkimk'ala t'are
Solen gomaşinat'u bğuraşa bibgarare
Izmoce bz'iri ixik giyonamt'u mendraşa
Toli gomb3'k'i şkurnate. vaşa mtiniren vaşa
Ebiseli onciyez nosişa var momalu
Kuç'xeşi tirtinate oxoyiz var gomalu
Gomoç'k'ondu na idi gicoxi gyuli so re
Hem uça ndğaşen doni ma ti nosiz vabore
Keşemitori şuri elamt'k'oçi ğocişa
Çilambre va maçoden bibgar qali p'icişa
Omant'alu orape ndğaleri seri miçkin
Na mç'imasen ndğasteyi guri mk'aseri miçkin
Uça mzuğaşi bozo uça giğun igbali
Mzuğak mogoğerdinu, elak'ati igzali
Ar çkva var gok'un3xare dikçanu nunk'u mç'ita
Dobğuri skanik'ala domoxfan do dopçita
Kayıt Tarihi : 19.2.2018 07:58:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!