Tülnen oynama Şiiri - Sevinc Arzulu

Birgə baxaq həqiqətin gözünə,
Salam verək səadətin özünə.
Gəl su tökmə məhəbbətin közünə,
Odunu söndürüb külnən oynama.

Çəməndə bitibdir bağriqan lalə,
Nakam eşq salıbdır onu nə halə.
Qıyma ki,sevənlər çəksinlər nalə,
Bülbülü öldürüb gülnən oynama.

Neçə sevən aşiq kama yetibdir,
Neçə Leyli-Məcnun gözdən itibdir.
Olan olub keçib,ötən ötübdür,
Sapları süzülmüş tülnən oynama.