Felek Tu ji Min Çi Daxwazî

Tu bûyî bela, tim ketî deriyê min
Felek bêje, tu ji min çi daxawazî ?
Oy zalim tu bûyî bela serê min
Xayin bêje tu ji min çi daxwazî?

Welatê min bi gundê min li ku ye?
Felek bêje tu ji min çi daxawazi ?
Gula min û kulîlka min li ku ye?
Zalim bêje tu ji min çi daxwazî?

Te hesret û agir xiste nava dilê min
Bi xemgînî yê rojan e napeyivim
Felek bêje tu ji min çi daxawazî
Bi salan û mehan e ez nakenim

Birîna dilê min derman nagire
Zalim bêje tu ji min çi daxwazî?
Oy li min, bi derd û kul li min har bûn
Felek bêje tu ji min çi daxawazî ?

Li min, ji evîndarî yê ez dîn bûm
Zalim bêje tu ji min çi daxwazî?
Ji bo dinyayê gul û kulîlkan nekuje
Felek bêje tu ji min çi daxawazî ?

Felek bi derewan qet qencî nabe
Tu hov î, tu hov î ez belengazim
Jiyana bê welat û hezkirin xem e
Yê ku ketîye kul û êşan ezim

Zalim di her çavên min de hêsir tên
Xayîn bêje dê, bavê min kuda çûn ?
Ez sêwî mam! Birîna min xwîn diçe
Oy felek miriyên min bi kû de çûn?

Mehmet Çobanoglu
24.04.2024
Stenbol