Tu Gula Xerzan Şiiri - Mehmet Çobanoğlu

Xezala ser ava nî
Tu bi gula Xerzan î
Te şefeq û roj anî
Tu rihana çîyan î

Te biskên xwe tev berdan
Qet nekevî bi derdan
Pir delal î, keça xan
Tu narîn î, tu can î

Ez li ber te digerim
Lezgîn were, li vir im
Yar, ez bo te dimirim
Tu jiyan î, tu rih î

Ax û welat abad e
Dilê min jî bi te şad e
Evîna me miraz e
Tu hebûn î, gula min

Germa bi dilê te geş e
Porê te şevên reş e
Jiyan bi te dimeşe
Tu zeman î, gula min

Ez li bo te dizarim
Lezgîn were, li vir im
Yar, li bo te dimirim
Tu jiyan î, ez qurban

Ev dil agirê meş e
Ez dibêjim: “Yar xweş e”
Bê te jiyan nameşe
Tu bihar î, gula min

Mehmet Çobanoglu
23.05.2026
Karaburun