Keçê rindê min re bîne
Destê te de gula şîne
Tu qulunga ser golanî
Dengê te min dihelîne
Dêrê te qutnî, qumaşe
Serê te de şara reşe
Kenê te jî pir şêrîn e
Bê te jiyan qet nameşe
Milê te de dewl û çêr e
Zenda te de zêrê zer e
Keçê rindê bêrîvanê
Dora te de pez diçêre
Keçê li te gul barîne
Bejn û bala te narîne
Deşt û zozan me bihuştin
Nav de kanî, çavkanîne
Keçê biskê te pir xweşe
Nav dilê min de diweşe
Tu biharî tu havînî
Kurdistan’a me pir geşe
21.09.2016
Stenbol
Kayıt Tarihi : 21.9.2016 21:41:00
![Yıldız](/Content/img/y_0.png)
![Yıldız](/Content/img/y_0.png)
![Yıldız](/Content/img/y_0.png)
![Yıldız](/Content/img/y_0.png)
![Yıldız](/Content/img/y_0.png)
© Bu şiirin her türlü telif hakkı şairin kendisine ve / veya temsilcilerine aittir.
![Mehmet Çobanoğlu](https://www.antoloji.com/i/siir/2016/09/21/tu-bihari-tu-havini.jpg)
Bu şiire henüz hiç kimse yorum yapmadı. İlk yorum yapan sen ol!