Tîg-i müjgânunla bagrumdan kopan per-gâleler
Gözlerümden çıkdı vâdîlerde oldı lâleler
Yakası açılmaduk bir söz işitdüm dün gice
Gerdenün tavkına öykünmek dilermiş hâleler
Dâg-ı hasretdür ki ben dil-hastenün cânındadur
La’l-i nâb-ı yârda yir yir olan teb-hâleler
Çirk-i gam basdı karardı gerd-i mihnetden gönül
Sun pey-â-pey sâkiyâ câm-ı mey-i gassâleler
Cür’a-i câm-ı muhabbet virdügi keyfiyyeti
Kim dimezdi görse ‘Âşık zâhid-i sad-sâleler
Kayıt Tarihi : 27.5.2016 17:52:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!