Temâşâ-yi ruhından kâm-yâbem geşt-i bâg itmem
Şemîm-i verdini ser-şîşe-pîrâ-yi dimâg itmem
‘Aceb pervâneyem bu encümengâh-i tahayyülde
Hemîşe sûzişüm isnâd-i evzâ’-i çerâg itmem
Ser-â-ser müttehiddür cem’-i bezm-i gülşen-i ‘âlem
Sadâ-yi bülbüli tefrîk-i âgâz-i kelâg itmem
Tehî-hemyân olursam da eger nakd-i meserretden
Derûnum lâleveş tâb-i hevesle dâg dâg itmem
Kadeh-nûş-i şarâb-i ‘aşk-i rûhânî-neşâtam ki
Felek hurşîdi sunsa destüme Sâmî ayag itmem
Kayıt Tarihi : 3.6.2016 17:08:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!