Sonum indi Şiiri - Sevinc Arzulu

Ayrı düşdük düz ilqardan,
Danışmayaq etibardan.
Heykəlini soyuq qardan,
De, mən necə yonum indi.

Od aldım həsrətli közdən,
Qəlb inciyər acı sözdən.
Süzülübən qara gözdən,
Yanağında donum indi.

Saf sevgidən bezəmməzsən,
Ayrılığa dözəmməzsən,
Ilk baxışdan sezəmməzsən,
Qapqaradır fonum indi.

Ilk məhəbbət sakit, laldı,
Hisran yolun bizdən saldı.
Bir zamanlar rəngi aldı,
Saralıbdır tonum indi.

Qamətimi əydi həsrət,
Ürəyimə dəydi həsrət.
Qapımızı döydü həsrət,
Budur mənim sonum indi.