Şivanan Pez Birin Çêrê

Şivanan pez birin çêrê
Bûk û keçik hatin sêrê
Bo amedîya navrojê
Penêr hûr kirin bi kêrê

Şivanên me hunerwerin
Pir zane û pir perwerin
Di dilê wan de hez pire
Bo keda xwe ji serwerin

Şivanan pez anîn avê
Xwezîya min jî wê gavê
Li kurnan de av tijî bû
Germayî jî ketbû tavê

Şivanan pif kir bilûran
Kerî ajotun ser tûran
Bi mih û bizin tev hev bûn
Kalekalînî ket nav birran

Şivanên me tev mêrxasin
Qet natewin û natirsîn
Tim hêzdarin tim rehmdarin
Axaftinên wan pir xasin

25.05.2017
Stenbol