Şirîna Mala Bavê Şiiri - Mehmet Çobanoğlu

Berdilka lê morî, mircan
Ser pêsîrê zêr, zîv tijî
Lê narin narîna malê
Keça bedew her dem bijî

Berdilka lê morî, mircan
Tu balkêşa her xortanî
Dilevîna evîndaran
Tu eşqa nav her dilanî

Berdilka lê morî, mircan
Gula baxên Ezirgan'ê
Dil û cigerê ciwanan
Tu yî meşhûra Argan'ê

Berdilka lê morî, mircan
Xemza rû de gula teze
Tu çavkanî û robarî
Ji bona te av ranaze

Berdilka lê morî, mircan
Nêrînê lê heyva şevê
Ey narin narîna xortan
Tu şirîna mala bavê

Berdilka lê morî, mircan
Bejna keçê wek çinaran
Zar lê şirîn, dev lê piçûk
Li lêvên lê wek hinaran

Mehmet Çobanoglu
14.11.2023
Stenbol