Unutdum yollarını,
İzimdən sildim səni,
Sənin üçün bükülən
dizimdən sildim səni…
Düşdüm işin kökünə,
Dözəmmədim yükünə((
Baxdım güzgüdəkinə,
Üzümdən sildim səni …
İntizarla barışdım,
Tənhalığa qarışdım,
Ürəyimlə yarışdım,
Özümdən sildim səni…
Ağır oldum daşımla,
Savaşdım yaddaşımla,
Ağladım…göz yaşımla
Gözümdən sildim səni …
Açıq etdim sirləri,
Qurutdum nəhirləri…
Yandırdım şeirləri…
Sözümdən sildim səni…
Kayıt Tarihi : 5.1.2025 16:53:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!