Sevdsa payım Şiiri - Sevinc Arzulu

Minor ladı var ünündə,
Bəm oxunar düyünündə
Durar ayrılıq önündə,
Duyğularım naçar- naçar.

Deyirlər ki alma vecə,
Hicranı unudum necə.
Fikirliyəm gündüz-gecə,
Uyğularım qaçar-qaçar.

Gətirəməz heç əli də,
Qiymətlənməz əməli də.
Düşə bilməz hər kilidə.
Qayğılarım açar-açar.

Sənsən mənim sevda payım,
Soyuq qışım, isti yayım.
Zülmətə qərq olsa Ayım,
Günəşim nur saçar-saçar.