Seni seven Şiiri - Sevinc Arzulu

Zaman itilətdi məni,
Soruşma nə olub, zalım.
Bu mahnı titrətdi məni,
Bax, gözlərim dolub, zalım.

Buzlu sular ilinməz ki,
Qiyməti heç bilinməz ki...
Su tökməklə dirilməz ki,
Sevda gülü solub, zalım.

Ürəyini açıb getdin,
Gün tək işıq saçıb getdin.
Sənə nə var, uçub getdin,
Olan mənə olub, zalım.

Sevimliydi xatasıyla,
Təbəssümə batasıyla.
Axirətin atasıyla,
Əbədilik bölüb, zalım.

Dərd günündə, bəd saatda,
Varıb getdi bəyaz atda.
Daha yoxdur bu həyatda,
Səni sevən ölüb, zalım.