Nedür cân kim anı sen nâzenîn cânâna virmezler
Sana âşık olanlar yoluna cânâ ne virmezler
Lebi sevdâsı gönlümde yaraşur zâhidâ yârun
Bu bir lâ’l-i musaffâdur anı her kâna virmezler
Gün gibi evvel idi
Dünyaya sultan eyledin
Sonra döndün gölge gibi
Yerle yeksan eyledin
Büktün belimi hilal gibi
Ol gün kanı ki gün gibi sûzân idüm sana
Olsan revâne sâye-i bî-cân idüm sana
Esrâr-ı kâ'inâta ezel cür'adân iken
Ben kânkâh-ı ışkda hayran idüm sana
Ŝādıķu’l- ķavl olsa dilber bī-vefā yār olmasa
Dāyimā ‘āşıķlaruñ işi güci zār olmasa
Ādemüñ çıķduġına şeytān sebebdür ravżadan
Ben daĥī çıķmaz idüm kuyuñda aġyār olmasa
Ol melek-sîmâ perî kim benzemez insân aña
Cân ile dilden fedâ olsun hezârân cân aña
Ey felek dervâzesin açma dem-i subhun sakın
Bir gece ger sarılam ben hasta-dil uryân aña
Candan helak-'i lezzet-i güftarunam senün
Salın salın ki bende-i reftarunam senün
Reng-i keşafeti edeli dür sineden
Ayine gibi talib·i didarunam senün
Bezm ol durur ki yar içe mey saki can ola
Cismümde kanum ana mey·i ergavan ola
Tir-i cefası deldüği her üstühanumun
Ah etdüğümce ney gibi işi fegan ola
Dudağının yazısı anber kokusu satar
Yüzünün güzelliği aşıklara sevda satar
Sen öyle bir manav dükkanı açtın ki
Hasretin nar (ateş) aşkın ayva satar
Günümi kara iden zülf-i siyehkârundur
Beni odlara yaķan âteş-i ruhsârundur
Yol basup sabr metâ‘ını alan uşşâkun
Devr-i hüsnünde şehâ surre-i tarrarundur
Şorarsa maceralardan benüm şehrümde yaranım
Bu yad ellerde geldüm nice derde mübtela oldum
Kadimi aşinalardan görüb biganelik resmin
Vefa ümmidine biganelerle aşina oldum
Bu şaire henüz hiç kimse yorum yapmadı. İlk yorum yapan sen ol!