Sağalmayan yara Şiiri - Sevinc Arzulu

İndi necə söylə, baxsın,
Ala gözüm gözünə.
Alovlu ildırım çaxsın,
Öləziyən közünə.

Bəlkə onda sən yenidən,
Od tutuban yanarsan.
Köks ötürüb lap dərindən,
Ötənləri anarsan.

Duyğularım qatar-qatar,
Uçur durnalar kimi.
Sözlərin üşüdür məni,
Soyuq havalar kimi.

Təbəssümün bəxş etmişdi,
Səadətin rəngini.
Bircə sözün dəyişdirdi,
Könlümün ahəngimni.

Xəyallarım məst olubdur,
Sanki sakit gilavar.
Ürəyimdə həsrətinin
Sağalmayan yeri var.