Rih Bi Bosta Şaş Li Sere Şiiri - Zandar ...

Rih bi bosta / Şaş li sera
Di xapînê / Wekî kera

Derbas dibê / Ser feqîra
Dil û kezeb / Reşê qîra

Xarna pepûk / nan û sîra
Ya wanaka / goşt û şîra

Réya wana / ne terîqa
Gotinê wa / ne heqîqa

Karê wana / tim bertîla
Ewna dikin / fêl û hîla

Li ser gelan / ewna mîrin
Gel jibona wa / bi qîrîn

Karê wana / zewq û sefa
Ew ne li / réya Mistefa

Kesê nezan / li dûv wana
Yê xwendevan / dûrî wana

Xwe kir seyyîd / Şêx û Mela
Jibo komkê / zêr û pêla

Cilê wa / yê nebîyyana
Fêlê wa / yê nemrudana

Gelek hene / rih û şaşik
Kirinê wa / Wekî dahşik

Ew dijwarê / Xwudê ne nas
Mal didê hev / bê hed qîyas

Bi şev û roj / a betalin
Lewra pepûk / didê xwarin

Bi dîn lewra / di xapînin
Mejyê xizan / di qermînin

Bi îslamê / di xapînin
Maldarîyê / bi kar tînin

Wel wî bêjê / ez seyyîdim
Serqe bide / wez seyyîdim

Kanîn gelo / ewên berê
Jibo Xwudê / réya xêrê
Helbest, Lekbêj