Qurulan deniz Şiiri - Sevinc Arzulu

Dalğalar həmişə hərbə səsləyib,
Qaynayıb daşaraq durulan dəniz.
Qoynunda milyonlar, minlər bəsləyib,
Sahilin qumuna vurulan dəniz.

Dostuna , yarına salam verməyir,
Yosundan yamyaşıl çələng hörməyir.
Hərdən önündəkin gözü görməyir,
Yol azıb sol yana burulan dəniz.

Göylərə boylanır bəxtəvər kimi,
Elə bil çalıbdır min zəfər kimi.
Özü taleyindən bixəbər kimi,
Qoynunda oyunlar qurulan dəniz.