Qarası etdi Şiiri - Sevinc Arzulu

Söykənib simsiyah nəm sürahiyə,
Baxıram üfüqə, bilmirəm niyə.
Elə minnətdaram o İlahiyə,
Səni gözlərimin qarası etdi.

Narın-narın yağan yağışın məlhəm,
Al-əlvan görünən naxışın məlhəm.
Hər sözün məlhəmdir, baxışın məlhəm
Sağaldı qəlbimin yarası,getdi.

Nədir bu suallar, nədir bu sorğu,
Mənim dediklərim həqiqət, doğru.
Min il yol gəldilər vüsala doğru,
Qovuşdu iki çay arası, yetdi.