Pür-fitendür gamze çeşm-i nîm-hâbundan senün
Nısfı çıkmış tîgdür gûyâ kırâbundan senün
Bir dahı nûş-i mey-i nezzâreye tâkat mi var
Öyle mestem bâde-i reng-i hicâbundan senün
Perde-i çeşmümden eylerken güzer nûr-i nigeh
Bu temâşâdur güzâr itmez nikâbundan senün
Câm-i dil çün sâgar-i nakş-i kadem işkestedür
Dest-i redd-i şîve-i pây-i şitâbundan senün
Buldı Sâmî neş’eyi evvel mey-i düşnâmdan
Mevc urup reng-i tebessüm la’l-i nâbundan senün
Kayıt Tarihi : 3.6.2016 17:00:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!