Ötüş indi Şiiri - Sevinc Arzulu

ÖTÜŞ İNDİ

Vüqarlı dağları görüb,
Baharlı çağları görüb.
Meyvəli bağları görüb,
Gül açacaq göyüş indi.

Günəş yenə nur saçacaq,
Qaranlıq qorxub qaçacaq.
Qapımızı sülh açacaq,
Qurtaracaq döyüş indi.

Açılıbdır lalam dersən,
Hüsnünə qoş kəlam, şer sən.
Uzaqdanca salam ver sən,
Dəbdən düşüb öpüş indi.

Ah, gözləri dolan torpaq,
Susuzluqdan solan torpaq.
Bir vaxt baxça olan torpaq.
Mal-qaraya örüş indi.

Yola getdin yaman ilə,
Şeir yazdın zaman ilə.
Eh, ay Sevinc cavan ilə,
Bacarırsan ötüş indi.