Nişâne Sûz-ı Dile Şiiri - Baki

Nişâne sûz-ı dile âhumuñ şirâresidür
Belî belâyı iden ‘âşıka sitâresidür

Şihâb sanma felekde giceyle zâhir olan
Mahabbet ehlinüñ ol tîg-i âhı yarasıdur

Sevâd-ı sübha-i sad-dâne şeyh-i sâlûsuñ
Hakîkate nazar olınsa yüzi karasıdur

‘İzâr-ı sâdesi üzre san ol ruh-ı rengîn
Görinür âyîneden la’l-i gûşvâresidür

Hayât bulsa n’ola vasl-ı yâr ile Bâkî
Dehânı cânı leb-i la’li cânı pâresidür