Ne diyem bu vücûda kim bu vücûd
Oldı âlemde mâ hüve’l-maksûd
Saçı Kadr ü kaşıdur ol mihrâb
Ki ider akl u rûh aña sücûd
Agzı mâhiyyetin diler bile cân
Cevher-i ferde hîç var mı vücûd
Yüzüñüñ şavkı tende tâbiş-i şem
Saçuñuñ ışkı cânda sûziş-i ûd
Cevrüñ artuh mı yâ benüm derdüm
Ne bilinsün hisâb-ı nâ-madûd
Işkuñuñ çengi câna zahme urur
N’ola a itdümse nâle şöyle ki ûd
Lebüñüñ lalin Ahmedî añalı
Sözleri oldı gûher-i manzûd
Kayıt Tarihi : 20.9.2016 15:15:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!