Ne deyirsen Şiiri - Sevinc Arzulu

Nə deyirsən, ömrüm-günüm,
Salma başın aşağı.
Gilə-gilə, düyün-düyün
Gözlərindən yaş axır.

Üzür məni ayrılığın,
Anlaşılmaz sözləri.
Görəmmirəm ay varlığım,
Axtarır hey gözlərim.

Ayrılığın əlifbası,
Özü kimi saxtadır.
Geyindiyi al libası,
Ipək deyil, taxtadır.

Onu hicran ağacının,
Budağı tək dəribdir.
Gah yuyub, gah ütüləyib,
Gah da günə səribdir.

Üstündəki ləkələri,
Bəzəyibdir çiçəklər.
Elə bil qəlb tikələri,
Al-qırmızı ləçəklər.

Intiqamı alınacaq,
Vaxtsız solan çiçəyin.
O da bir sevdalısıydı,
Hündür gözəl-göyçəyin.

Indi yalın xatirənin,
Ayağın qum yandırar.
Hə sabahı, nə dünəni.
Əhd-peymanı dandırar.
16.06.2019